Frank Uwe Laysiepen – artisti i njohur si Ulay dhe ish partneri i Marina Abramović — vdiq herët në mëngjes në Ljubljana, Slloveni, në moshën 76 vjeç nga ndërlikimet e shkaktuara nga trajtimi i tij me kancer.
Ulay ishte ndoshta më i njohur për bashkëpunimin e tij me Abramović, të cilin e takoi në 1976 në Amsterdam. Për 12 vjet, ata ishin ndër më të famshmit dhe pionierët e çifteve artistike.
Ata përfunduan në mënyrë simbolike marrëdhënien e tyre me një shfaqje ku të dy ecin drejt njëri-tjetrit, pothuajse 6,000 km nga Muri i Madh i Kinës.
Në një postim në Instagram, Abramović i përgjigjet vdekjes së artistit: “Është me trishtim të madh që mësova për vdekjen e mikut tim dhe ish partnerit Ulay sot. Ai ishte një artist dhe qenie njerëzore e jashtëzakonshme, i cili do të munoghet thellësisht. Në këtë ditë, është ngushëlluese të dish se arti dhe trashëgimia e tij do të jetojnë përgjithmonë. “
Studioja e Ulay postoi në Facebook: “Ulay ishte i pakrahasueshëm. Si qenie njerëzore dhe si artist. Shpirti më i butë, e bujar. Një pionier, një provokator, një aktivist, një mentor, një koleg, një mik, një baba, një burrë. Një kërkues i dritës. Një dashnor i jetës. Një udhëtar. Një luftëtar. Një mendimtar i shkëlqyer, i cili ka qenë duke shtyrë kufij dhe duke duruar dhimbje. Altruist dhe i patrembur, etik, elegant, i mençur. Ai, i cili ka ndikuar te kaq shumë. Ai do të mungohet shumë nga familja e tij, miqtë, komuniteti i artit dhe mijëra prej nesh, të cilët i ka prekur dhe frymëzuar kaq thellë .Ai ndikoi në gjeneratat e artistëve dhe shumë më tepër që do të vinë – kujtimi dhe trashëgimia e tij do të jetojnë përgjithmonë përmes veprës së tij dhe veprës së fondacionit Ulay ”.
Dorian Batycka, The Art Newspaper
