Kreu Çmime Nga t’ia fillosh me Louise Glück

Nga t’ia fillosh me Louise Glück

Kur ka kaluar më shumë se një javë nga dhënia e çmimit “Nobel” në letërsi për vitin 2020, lexuesit vijojnë të jenë jo shumë të qartë për Louise Glück, të gjashtëmbëdhjetën grua që fitoi këtë çmim prestigjioz. Prandaj, duke u bazuar në një shkrim të LA Times, ExLibris ju sjell disa të dhëna për të, si një orientim nga ku mund të fillohet njohja dhe leximi i saj.

Glück ka botuar dymbëdhjetë libra me poezi dhe disa volume me esse. Në poezi, temat e saj janë universale dhe mbulojnë jetën e vdekjen, natyrën e historinë, dëshirën dhe veçimin.

“Zëri i Louise Glück është i pagabueshëm” tha mes të tjerash Olsson, kryetari i komitetit të “Nobel”-it.

Duke marrë parasysh karrierën e saj letrare prej gjysëm shekulli, është pak e vështirë të dish nga t’ia fillosh. Më poshtë, një hyrje e shkurtër:

Në 2014 ajo botoi “Faithful and Virtuous Night”, libër i cili fitoi Çmimin Kombëtar për poezi.

Në 2012 botoi “Poems”, përmbledhje me poezi të sajat përgjatë pesëdhjetë vitesh, nga 1962, deri më 2012. Me këtë libër, fitoi Çmimin Los Angeles Times për Librin.

Në 1992, Glück i dha publikut “The Wild Iris”, libër i cili përmbledh poezi të shkruara rreth ndryshimit dhe rifillimit. Në poezinë e cila i ka dhënë edhe titullin librit, ajo shkruan rreth një luleje që vdes e mandej, rikthehet sërish në jetë. Një vit më vonë, falë këtij libri, Louise Glück mori Çmimin Pulitzer për poezi.

Në 1985 u botua “The Triumph of Achilles”. Poezitë e këtij libri janë rreth mundësive. Glück riimagjinon idetë rreth familjes dhe miqësisë, rreth mitit dhe legjendës greke e biblike.

Për ta mbyllur, vlen të përmendet konstatimi i poetit Holly Prado dhënë për The Times në 1986: “Zëri i poezive se Glück na siguroi se poezia nuk është e nuk ka qenë kurrë një shpjeguese e zemrës, por mund të bëhet një mrekulli e shpirtit dhe simbolit, duke prekur dashurinë, pasionin, humbjen dhe dhimbjen, pa i romanticizuar këto subjekte kaq të mëdha.”

SHKRUAJ NJË PËRGJIGJE

Ju lutem lini komentin tuaj!
Ju lutemi shënoni emrin tuaj këtu

Artikujt më të fundit

Edison Çeraj: Magjikja e një udhëtimi

Cikli i fundit me piktura i skulptorit Artan Peqini, nën shënjuesin “Përtej kohës”, është nji arrati pa zhurmë nga habitati, ose nga siguria....

Marcel Proust: Dorëheqja e parë

Dorëheqja e parë është nxjerrë si tregim nga romani Në kërkim të kohës së humbur dhe është botuar me disa autorë të...

Dr. Feride Papleka: Marcel Proust, “Në kërkim të kohës së humbur” (À la recherche du temps perdu)

Një udhëtim i vërtetë zbulimi nuk do të thotë të kërkosh peizazhe të reja, por të kesh vështrim të ri.

Emin Azemi: Periferia dhe periferikët, dashurinë njerëzore mund ta bartin në qendër të botës

Në librin “Nënë Tereza, shenjtorja e periferive”, të studjueses Ines Murzaku, e shkruar me një metodologji të avancuar kërkimore e përmbajtësore, do të hasim...

KATEGORITË