More
    KreuLetërsiBibliotekë"Ngujimi i amël", poezi nga Natasha Çera Duriçi

    “Ngujimi i amël”, poezi nga Natasha Çera Duriçi

    RRUGICA E SHPIS TEME

    N’anë rruget shpia jeme
    nihen zhurmë e zana pa ja nda
    Kerre që qisin inat tymi për mas
    tuj u hakërry n’xhaden shkojnë e ecin.
    . .E harrueme hapash rrugica e portës teme
    ma kush nuk vjen
    Ashtë rrudhë n’mall me ndi zanin e vet!
    Paj..do kam shkallët
    përditë u qes ujë të ri përmi
    si lakmues
    Me lexue nëpër to
    kaligrafi t’vjetra kambësh e eshtrash
    që hala ruhen n’betonin e vjetër!
    Kur dielli shkon n’zenit shtyj kadalë xhamin
    Perdet si paloj..e la hapun një copë
    atë që bjen kah rruga.
    Si due kurrë perdet e palueme bukur
    portën me hekur se kam vajis, as ndry jo
    N’udhën me zhurmë del rrugica jeme
    si prrenjtë që kado t’sillen bahen det..
    ..palu krahësh rrugica e shkretë !


    SIAMEZE ME TY BAHEN STINET

    Nën akuj e borë
    përrenjtë ujë kishin sjellë e marrë.
    Jeta nën to ardhur burimesh
    nga gjinjtë e malit.
    Në kroje gjethja prapë ishte krua
    dhe pse ngrirë e bërë ngjyrë tulle
    grushtin priste nën të të mbushej
    e të lagte buzë.
    Muaj dimri mbi dhe shtruar
    nën to pranvera kish pritur të shpërthente.
    Nëpër pyje
    fëshfërima zbuste hapin
    të ndillte zogj e dallëndyshe.
    Siameze të përjeta stinët..
    aty ku gjethet ngatërruan numërimin
    çelen luleshqerra e jargavanë
    Shtrati më shumë u mbush lumë
    kur mbi të dëbora shkriu.
    Xixëllonja në mes e prerë me dritë
    terrin ndriste..
    Si nëpër ëndërr ishtë përpëlitur çdo gjë..
    hë e solle kokën..!?


    NGUJIMI I AMËL

    T’du
    pa t’pa
    pa t’qaf
    pa t’puth
    pa t’prek
    T’du gjithqysh
    Mos guxo me ikë
    A nive ..
    ngujimi jem i amël !?
    T’du !


    BUZEVE TE GURIT PENG

    .. buzëve t’gurit peng
    e lëshueme poshtë, veç një herë mbete
    Ky ujë që thyhet e bjen
    ka shijen tande gjethe …


    …KUKAFSHEHTAS…

    Tash flasim rrallë
    i kena zavendësu fjalt me xhestet.
    jena ba t’huej
    As sytë s’t’i kap ma kur t’i kërkoj
    M’i fsheh dikun si askund!
    Kur dola n’oborr sot
    t’zuna tuj m’kundru mbas perdes
    Ani thashë e bana sikur nuk e dita se po më sheh
    veç sytë m’u zunë me lotë.
    Po luejna kukafshehtas
    nji jetë jena kuptu dhe pa folë
    paj sa herë dhe jena përla me fjalë
    jena përfytë n’duer inatesh
    E prapë jena pajtu
    e dashtë ma fort biles
    Jena thanë si jena ndi
    e kena mujtë e largu çdo gja që ka guxu me na da nërmjet vedi!
    Kem qëndru
    se kishim njeni tjetrin forcë
    E tashti…?
    A thue asht thy buka?
    Trupi mu ftof…tyt bre goja t’u thaftë
    i thashë vedit.
    Lashë grepin e lulave e u sula nxitim shkallësh
    du me të xanë mas perdes si kaçak
    e me të qafu fort..
    kur hyna..perdja lkundej në qejf t’ vet.
    Ndiva derën e odës kur u mbyll…krak
    edhe nji herë u shty… krak se nuk u mbyll me të parën herë sa duket.
    Ra qetë.
    Iu avita dritares kadalë..
    e humba tuj pa lulet n’oborr!


    KËRTHIZA !

    E ndiva prapë sot atë të preme fryme
    që më bën me lëshu do ofa shpirti!
    Mblidhet helm aty
    sa herë idhnohem fort
    ai rreth nxehet dhimbtash!
    Asht gja e shenjtë kërthiza
    asht qendra e barkut
    ashtë fryma aty..
    kordoni ku je mbajtë me nanën!
    Njatu ka ardhë dora me të përkdhelë,
    dashninë aty e njofte ma s’parit herë
    Uji, ajri ,kur ti ishe veç nje pikë
    nëpër atë litar jete hynin me të rritë
    Asht nanë kerthiza
    Ani pse thonë se nanës i dhemb gjini
    kur diça nuk shkon
    i dhemb dhe ai fillim tunel drite si labirinth
    ku as zoti nuk mujti me hy
    nëpër të
    e mes tyne.
    Nji trup, dy jetë bëhet vetë zoti.
    Kërthiza asht porta e shtëpisë bir
    porta jonë
    kodi ynë sekret e përjetë!
    As unë nuk gjeta më portë tjetër
    as ti bir mos lyp se tjetër nuk ki me gjetë !
    Nana ime nuk asht ma…
    jam unë
    janë bijtë..
    litari i jetës vazhdon…

    SHKRUAJ NJË PËRGJIGJE

    Ju lutem lini komentin tuaj!
    Ju lutemi shënoni emrin tuaj këtu

    Artikujt më të fundit

    KATEGORITË