Kreu Çmime Milan Kundera pranon çmimin letrar çek

Milan Kundera pranon çmimin letrar çek

Milan Kundera, shtetësia çeke e të cilit iu rikthye vitin e shkuar pas më shumë se 40 vjetëve në ekzil, ka fituar një ndër çmimet letrare më prestigjoze të Republikës Çeke: çmimin “Franz Kafka”.

Çmimi që shoqërohet me një çek prej 10000$ dhe që organizohet nga Shoqëria “Franz Kafka” dhe qyteti i Pragës jepet në bazë të zgjedhjes së bërë nga një juri ndërkombëtare.

Vladimír Železný, kryetar i shoqatës “Franz Kafka” tha se Kundera fitoi për “kontributin e jashtëzakonshëm në kulturën çeke” dhe për një “përgjigje të përhershme” dhënë kulturës evropiane dhe asaj botërore.

Sipas Železný, kur autori 91 vjeçar Kundera u telefonua, ai u shpreh se e pranonte “me gëzim” çmimin, për shkak të adhurimit të tij për Kafkën.

I anatemuar që në vitet ’50 për antikomunizmin e tij nga Çekosllovakia e dikurshme, Kundera e la vendlindjen duke u zhvendosur në Francë ku akoma jeton bashkë me të shoqen.

Ai nuk u rikthye në republikën Çeke pasi fitoi Çmimin Kombëtar Çek të letërsisë në 2008 apo kur u shpall qytetar nderi i Brno-së, vendlindjes së tij në 2009. Vitin e shkuar, ambasadori i Çekisë në Francë i dha shkrimtarit në Paris certifikatën e shtetësisë  çeke, duke e quajtur rikthimin e tij si qytetar çek “një veprim simbolik tejet i rëndësishëm, një rikthim simboli i shkrimtarit më të madh çek në republikën Çeke.”

Kundera i ka dhuruar bibliotekën dhe arkivin e tij Bibliotekës Moravian në Brno, veprim të cilin Ministri i Kulturës i Çekisë Lubomír Zaorálek e quajti “një ngjarje të madhe”.

©The Guardian

Përktheu në shqip për “ExLibris”: A. D.

SHKRUAJ NJË PËRGJIGJE

Ju lutem lini komentin tuaj!
Ju lutemi shënoni emrin tuaj këtu

Artikujt më të fundit

Edison Çeraj: Magjikja e një udhëtimi

Cikli i fundit me piktura i skulptorit Artan Peqini, nën shënjuesin “Përtej kohës”, është nji arrati pa zhurmë nga habitati, ose nga siguria....

Marcel Proust: Dorëheqja e parë

Dorëheqja e parë është nxjerrë si tregim nga romani Në kërkim të kohës së humbur dhe është botuar me disa autorë të...

Dr. Feride Papleka: Marcel Proust, “Në kërkim të kohës së humbur” (À la recherche du temps perdu)

Një udhëtim i vërtetë zbulimi nuk do të thotë të kërkosh peizazhe të reja, por të kesh vështrim të ri.

Emin Azemi: Periferia dhe periferikët, dashurinë njerëzore mund ta bartin në qendër të botës

Në librin “Nënë Tereza, shenjtorja e periferive”, të studjueses Ines Murzaku, e shkruar me një metodologji të avancuar kërkimore e përmbajtësore, do të hasim...

KATEGORITË