Më 7 mars, në Romë në “Casa delle letterature” pati një diskutim me shkrimtarin Ylljet Aliçka për romanin e tij “Metamorfoza e një kryeqyteti” (Metamorfosi di una capitale), botuar në italisht nga shtëpia botuese Castelvecchi.
E pasuruan diskutimin ndërhyrjet e Rando Devole, Anila Bitri, Ambasadore e Shqipërisë në Itali dhe Prof. Matteo Mandalà, përkthyes i romanit.
Autori Ylljet Aliçka iu përgjigj pyetjeve të Devoles e të publikut, duke folur midis të tjerash jo vetëm për veprën e tij të fundit, por edhe për psikologjinë e shqiptarëve gjatë kalimit nga një epokë në tjetrën dhe në periudhën e tranzicionit. Një diskutim i thellë dhe stimulues në të njëjtën kohë për të gjithë të pranishmit.
Në këtë takim mori pjesë edhe Presidentja e Parlamentit Shqiptar Lindita Nikolla, e cila këto ditë po zhvillonte një vizite zyrtare në Itali.
